БНХАУ-ын дарга Ши Жиньпиний урилгаар ОХУ-ын Ерөнхийлөгч Владимир Путин энэ сарын 16-17-ны өдрүүдэд Хятад улсад төрийн айлчлал хийнэ гэж тус улсын Гадаад хэргийн яамны хэвлэлийн төлөөлөгч Хуа Чуньин өнөөдөр мэдэгдлээ.

В.Путин ОХУ-ын Ерөнхийлөгчийн тангараг өргөсний дараа хийж буй анхны айлчлал нь энэ болох юм гэж Гадаад хэргийн яамны өөр нэгэн төлөөлөгч Ван Вэньбинь ээлжит хэвлэлийн бага хурлын үеэр тэмдэглэсэн байна.

Энэ онд Хятад, Оросын хооронд дипломат харилцаа тогтоосны 75 жилийн ой тохиож байгаатай холбогдуулан Ши Жиньпин, В.Путин нар айлчлалын үеэр хоёр орны харилцаа, олон салбарын хамтын ажиллагаа, харилцан сонирхож буй олон улсын болон бүс нутгийн асуудлуудаар санал бодлоо солилцоно гэдгийг Ван Вэньбинь дурдлаа.

Хятад улс энэхүү айлчлалын талаарх мэдээллийг тухайн үед нь танилцуулна гэдгийг тэрбээр нэмж хэлэв.

Эх сурвалж: Xinhua /МОНЦАМЭ агентлаг/