ИБУИНВУ-ын ван III Чарльз тавдугаар сарын 13-ны даваа гарагт Хэмпшир дэх нисэх хүчний музейд зочилж, цэргийн үүргүүдийнхээ нэгийг албан ёсоор хунтайж Уильямд хүлээлгэн өгөхдөө үзэж туулж буй бэрхшээлийнхээ тухай таагүй мэдээ дуулгалаа.
Өдгөө 75 настай тэрээр хорт хавдрын эмчилгээний дүнд амтлах мэдрэмжээ алдсан гэнэ. Тэгэхдээ эмч нар эмчилгээний энэ гаж нөлөө түр зуурынх эсэх талаар юу гэж хэлснийг тайлбарлахаас татгалзав.
Ийнхүү амтлах мэдрэмжээ алдсанаас бусдаар эмчилгээ амжилттай үргэлжилж байгаа аж.
Тэрээр эрүүл мэндийн шалтгаанаар түр завсарлага авч байгаад энэ сарын эхээр эргэн ажилдаа ороод байгаа нь энэ билээ. Тийнхүү завсарлага авснаас хойш анх удаа олны өмнө гарсан нь дөрөвдүгээр сарын 30-нд Лондон дахь Макмиллан хорт хавдрын төвийн эмч, өвчтөнүүдтэй уулзсан явдал байлаа. Түүнтэй хамт гэргий Камилла нь явсан юм.
Эргэн олны анхаарлын төвд орж байгаагаас нь дүгнэхэд вангийн гэр бүл нэг биш, хоёр ч хорт хавдрын онош сонссоноос хойш одоо л эргэн энгийн амьдралдаа орж байгаа бололтой. Эргэн санахад хоёрдугаар сарын эхээр ван хорт хавдартай гэдгээ зарласнаас хэдхэн долоо хоногийн дараа гүнж Кэйт бас хорт хавдрын эмчилгээнд явж байгаа нь ил болсон билээ.
Эх сурвалж: Parade
Эзэн хаан болцон биздээ ?
Орчуулга, найруулгаа хянаад нийтэлмээр юм даа (:
Чарльз ван биш хаан биз дээ?