Лхагва гарагт шар айраг үйлдвэрлэн нийлүүлэгч Anheuser-Busch компанийн мэдэгдсэнээр тэд АНУ дахь ажилтнуудынхаа хүрээнд орон тооны цомхотгол хийх болжээ. Үүний гол зорилго нь тэд компанийн үйл ажиллагааг илүү энгийн болгож, компани доторх хүн хоорондын шат дамжлагыг цөөлөх гэнэ.
CNN сувгаас мэдээлснээр орон тооны цомхотгол тус компанийн тэргүүн эгнээний ажилтнуудыг хамрахгүй гэсэн байна. Үүнд, шар айраг үйлдвэрлэлтэй холбоотой ажил хийдэг ажилтнууд болон агуулах, тээвэр, борлуулалтын ажилтнууд орох ажээ.
Тийнхүү Anheuser-Busch компаниас мэдэгдсэнээр тэд АНУ дахь нийт ажилтнуудынхаа 2 хүрэхгүй хувийг орон тооны цомхотголд оруулна гэсэн юм. Anheuser-Busch компанийн хувьд АНУ-ын хэмжээнд нийт 19,000 хүнийг ажлын байраар хангадаг байна. Тэдний 2 хүрэхгүй хувь гэдэг 380 орон тоотой тэнцэх ажээ.
Эх сурвалж: CNN